Heimelaga

Långsamt leder också någonstans

2012-02-01T13:58:00.002+01:00

Det beste med jobben min er å stå framfor ei forsamling med ungdom og fortelle. Snakke om viktige ting. Finne dei verkemidla som passar akkurat der og då. Overraske. Flette inn små vittigheiter (det er ikkje eit ord). Merke at dei høyrer på meg. Det er det beste.

Men tida før eg står der, er intet mindre enn PAIN! Idéane bruker lang, lang tid på å dukke opp, og mange blir forkasta undervegs. Når den gode idéen endelig slår ned i hovudet, tek eg han ut. Eg formulerer, pussar, omformulerer, stryk unødvendige poeng, polerer ... og slik held eg på til eg er fornøgd. Det kan ta si tid, men fordelen med å bruke lang tid, er at stoffet blir prenta inn i hukommelsen så eg ikkje blir så bunden av notatane.

Kvar einaste gong trur eg at eg ikkje kjem i mål, og kvar gong gjer eg det likevel.

No er eg inne i ein slik prosess. I helga skal eg ha to kveldsavslutninger, ei preike og to geniale treminuttersgreier (i mangel av betre ord). Det er som å gå i sirup. Men slik jobber eg, og på merkeleg vis funkar det også.

Nestenkrise

2012-01-25T08:51:00.005+01:00

No er det på tide å rydde pulten, for eg har leita etter yndlingskoppen min i fem minutt uten å finne han. Eg syns han har ei veldig passande tekst for jobben min, mykje jobb og lite peng. Men mykje moro også. I helga møtte eg dei nye konfirmantane for første gong, og det lovar bra. Verker som ein kreativ og musikalsk gjeng, så vi kan finne på mykje kjekt, håper eg.

Sjølv om eg syns eg fortener litt meir enn løn i himmelen, er det ikkje mange frynsegoder i denne jobben. Men nokre er det – arbeidsgivaren min har spandert på meg coach for ein periode. Veldig nyttig å sjå litt innover på seg sjølv og bli bevisst på korleis eg kan gjere mest mulig ut av det eg har. Eg pratar med Kristin Aase ein gong i veka, og merker allereie at eg har utbytte av det. Ho jobbar mykje med enneagrammet, som kort fortalt går ut på at det fins ni forskjellige persontypar, som kvar

har både sterke og svake sider. Når ein har funne ut kva type ein er, kan ein jobbe med å bli bevisst på kva ein vil framheve, og kva ein ikkje vil skal dominere. Høyrer du humbug-alarmen? Eg var skeptisk først, men det er utruleg treffsikkert!

Ei av oppgåvene er å ta litt tid kvar dag og notere konkrete utfordringar og målsetjingar. Fine notatbøker kan ein aldri få nok av, og eg er veldig fornøgd med mi. Oppå boka ligg den nye dilla; Wool Eaters. Vi er vel lei av dei evinnelege oldemorsrutene no? Oppskrifta er å finne hos Sarah London.

Skrifta på veggen

2012-01-06T16:36:00.003+01:00

Lilly skriv ofte lappar til meg med ymse beskjedar, av typen "Kjere mamma. Dette skal jeg ha på meg i morgen. Ikke klag". Disse heng på veggen på kontoret mitt. Klarer du å tyde dei?

Her er det ein m for lite og ein g for mykje.

Jesus må dø

2011-12-19T17:21:00.002+01:00

I morgon er det skulegudstenester med julespel, og Jesus har blitt henta ned frå tårnet. I alle fall delar av han. Armane heng og dinglar inne i bodyen, og den eine foten er borte vekk. Det går ikkje an for ein baby som skal vekse opp til å bli det einaste perfekte mennesket i verda, så no må han vike for ein nyare versjon. Eg er frista til å sette i batteria.

Kaoskontroll

2011-12-08T15:29:00.003+01:00

Så lenge eg kan hugse, har eg hatt ein tendens til å utsetje alt som kan utsetjast. Rydde, vaske, skifte olje på bilen, klesvask, gå ut med papirsøpla, pante flasker, skrive julekort, bestille forsikring... Alt som ikkje må skje i dag, blir heller ikkje gjort i dag. Eg veit at mange har det slik, men trur eg er ein ekstrem variant. Eg er så van med å gjere ting på denne måten at det ligg i ryggmargen. No nettopp var eg for eksempel i vaskekjellaren og henta ein klesvask. Det mest naturlege for meg er å sette frå meg kleskorga i gangen i staden for å legge kleda rett på plass. Korga kan gjerne bli ståande der i dagar og veker. Treng eg dei reine kleda, tek eg dei rett frå korga. Det same gjeld kofferten etter ein ferie. Den blir ikkje tømt før eg a) har brukt opp alle kleda som låg i den, eller b) skal på ei ny reise.

No er eg lei av å alltid ha dette etterslepet av ting eg skulle ha gjort. Når eg har det rotete og ustrukturert rundt meg, blir det slik innvendig også. Eg har eit heilt klart mål om å bli organisert, og det begynner i dag. Derfor ligg dei nyvaska kleda i klesskapet, og eg skal straks og med ein gong lage ei oversikt over alt eg må gjere fram til jul, og når eg skal gjere det.

Det er slutt på prokrastinering, og frå og med i dag skal eg leve etter desse reglane:

Ny

2011-11-26T13:36:00.001+01:00

Eg har sikkert ti biblar. Diverse eksemplar av Konfirmantbibelen, minst fire kornbiblar, ein studiebibel full av notatar, og ein blå eg fekk til konfirmasjonen. Sistnemnde klarte eg nokså raskt å søle ei halv flaske RX-lim over, og i mitt unge sinn syntest eg det var ein god idé å la det størkne før eg prøvde å rive av limet. Not so much.

Eg har lenge ønska meg ein skikkeleg skinnbibel med gullkantar og namn, og når Bibelselskapet ga ut ei ny utgåve i høve 20-årsjubileet for konfirmasjonen min, bestilte eg ein. Eg låg ikkje i kø utkledd som Barabbas eller Habakkuk, berre så det er sagt.

Bittesmått!

2011-11-17T14:07:00.002+01:00

Går det an å ha så små hender?

Desse skal Vilja få av tante, men først må eg lage ei matchande hue.

Igjen

2011-11-08T20:17:00.001+01:00

Eg får alltid litt for lite garn. Hadde det vore ALT for lite, hadde det ikkje vore like irriterande, men vi snakkar om nokre få cm. Denne gongen slapp eg opp for mjukt og deilig kasjmirgarn kjøpt på halv pris. Tipper det betyr at den lokale butikken skulle kvitte seg med garnet, og at eg dermed ikkje får tak i meir. Men ingen fare, eg har ca 30 halvferdige prosjekt å ta tak i.

Test

2011-11-08T01:49:00.001+01:00

Det er seint, og eg klarer ikkje å legge meg. Må berre sjekke Blogger-appen først... No forstår eg kvifor alle med iPhone sit og glanar på den heile tida.

Nær kongen-opplevelse

2011-11-07T08:46:00.002+01:00

Cupfinalen blei sett frå sofaen i går, men etterpå for vi inn til byen for å treffe tante Silje. Lilly er egentlig (halvhjerta) Stabækfan, men då ho fekk skjerfet til tante, bytta ho sporenstreks lag. Lett å kjøpe, altså. På veg ut døra på Hotell Bristol møtte konvertitten ein festklar Magnus Sylling Olsen med kongepokalen i handa, og han stilte gladeleg opp på bilete.

Det var ei kry jente som gjekk på skulen med fotballskjerf rundt halsen i dag.

Utålmodig!

2011-11-05T12:45:00.003+01:00

Eg ventar og ventar på iPhonen eg fekk i bursdagsgåve. Den skulle kome i går, så kanskje i dag?

Med Blogger-app og bra mobilkamera blir det lettare å blogge uten å måtte leite fram kamerakabel kvar bidige gong eg skal laste opp bilete.

Fargevalg

2011-10-24T10:25:00.003+02:00

Ein av disse skal henge over kjøkkenbordet. Men kva farge?

Sushi treng adoptivforeldre!

2011-08-23T09:27:00.006+02:00

Ein vinterdag for ti år sidan var ei eldre dame på veg til Tøyenbadet. I vegkanten såg ho ein vott nokon hadde mista, og ville henge den på ei brøytestikke så den kunne bli funnen. Då ho nærma seg votten, begynte den å pipe svakt. Det var slettes ingen vott, men ein liten, forkommen katt. Katten fekk bli med på Tøyenbadet, og fekk varmen i kroppen igjen mens den gamle dama tok badet sitt. Seinare leverte ho pusen til Dyrebeskyttelsen, så dei kunne ta vare på henne.

Skjebnen ville det slik at Synnøve ringte Dyrebeskyttelsen den dagen. Ho hadde lese om alle kattane som frys i hjel om vinteren, og ville hjelpe. Slik kom den lille votten heim til henne, så den hadde ein plass å dø. Katten var ihjelsvolten, og det første måltidet ho fikk servert var sushi. Dermed blei det namnet hennar. Sushi døde aldri, men kom seg sakte til hektene. Men kulda hadde gjort sitt, så etter kvart datt tuppane på øyrene av, og Sushi blei sittande igjen med små, runde og fine katteøyre. Omtrent på samme tid oppdaga Synnøve at det var noko gale med halen. Den ytterste delen var tynn og pjusken, og eit besøk hos dyrlegen avgjorde at den måtte amputerast. No var Sushi blitt Sushi Svanseløs.

Etter nokre månader som innepus på Frogner, kom Sushi til meg og naut livet som gardspus i Bærum. Der budde ho i to år, fanga mus, flørta med nabokatten Charlie og levde herrens glade dagar. Då eg skulle flytte, kunne eg ikkje ha katt lenger, og Sushi flytta til Hønefoss. Etter ei tid der, vart ho skilsmissekatt, og flytta til ei tante i Volda. Så vart denne tanta allergisk, og igjen måtte Sushi flytte. No har ho budd hos ein familie i Molde i nokre år, men der har det også dukka opp allergi, og dei kan ikkje ha henne lenger.

Sushi er no omtrent 11 år, og verdens mest tillitsfulle katt. Ho er roleg og litt sjenert, og ein EKSTREMT VAKKER KATT. Med dei butte ørene og den korte halen ser ho ut som ein liten isbjørn. Ho har opplevd mykje vondt og mange omskiftingar, og ein skulle tru at det ville gjort henne aggressiv og mannevond. Men dengang ei. Ho har det samme rolege lynnet som ho alltid har hatt, og vil skli rett inn i ein ny heim.

Det Sushi treng no er ein plass der ho kan leve pensjoniståra sine, og få kos og omsorg. Ikkje minst må vi få plukka av henne romsdalsdialekta.

Vil du forbarme deg over Sushi? Eller kjenner du nokon?

311 m.o.h.

2011-04-05T11:12:00.003+02:00

Særleg at det hjelp å halde seg fast i veggen...

311 meter over havet er 310 meter for mykje for meg. Eg blir svimmel av å stå på ei gardintrapp. For nokre år sidan tok eg tog i seks timar for å vere med og male hytta i Rødven utandørs. Eg klatra opp på stillaset, fekk panikk, og måtte krype inn soveromsvinduet. Der blei eg. Det var ikkje mykje hjelp å få frå meg den helga. Så fuglane veit kva som fekk meg til å tru at det skulle vere ein enkel sak å entre toppen av Eiffeltårnet i buldrande torden. Dette er ei bragd eg garanterer at eg ikkje kjem til å gjenta!

For dei som vurderer å prøve det same, vil eg berre opplyse om at dette er eit gammalt, gammalt tårn, som var meint å vere eit midlertidig bygg til verdsutstillinga i attenfjørti. Bjelkane er strengt tatt ganske tynne, og vaieren som dreg heisa er tynnare enn ein gjennomsnittlig banan. Dette veit eg fordi eg fekk god tid til å studere dei mens eg sto og grudde meg til heis nummer to, som skulle ta oss frå første nivå (som var MEIR enn høgt nok for meg) og opp til den tynne, tynne spissen. Javel, så er det mange tusen menneske oppe i tårnet kvart år, men så langt eg kan skjøne er det berre flaks at det ikkje har ramla saman. Og må dei ha heiser med vindu? Er det for å skremme folk som meg maksimalt? Eg kneip igjen augene stort sett heile turen, og i ventetida på første nivå såg eg berre på min eigen mage og ikkje utsikta, men midtveis i heis nummer to gjorde eg kjempebommerten og såg ut. Det var då panikken greip meg BIG TIME. Folk titta litt rart på meg der tårene spruta, men skitt au.

No er det gjort, og eg er verdens tøffaste (sjølv med raudsprengte auge). Empire State er ikkje neste.

Ååååååh!!

2011-03-23T21:11:00.002+01:00

Eg er ekstremt nysgjerrig. Om dette kjem av at eg er frå bygda der lite skjer, eller om det er genetisk, veit eg ikkje, men eg må vite alt. Perioden før skatteoppgjeret blir lagt ut er derfor ulideleg kvart bidige år. Eg tel ned dagane, timane og minutta. Men kva er vitsen med det når heile Altinn-skiten ligg nede for telling? Nysgjerrigheita kombinert med ein hissigpropp-tendens gjer at eg no sit inne med eit raseri eg ikkje får utløp for.

Det er best for dei at det ikkje blir baksmell.

Kommentatorspråk

2011-03-21T18:39:00.003+01:00

To ting irriterer meg spesielt med kommentatorspråk i dag:

1. Ordet "spisskompetanse" brukt om ein fotballspelar sin kompetanse som spiss.

2. Setningar som "Han ligger dårlig an vis à vis Petter Northug."

Kom an, folkens.

Bildebevis

2011-03-17T16:54:00.002+01:00

Det er komplett umulig for meg å ta fine bilde av tinga eg lagar. Det heng saman med at det også er komplett umulig å finne ei ryddig bakgrunn å ta bildet mot heime hos meg. Så sånn er det. Men her er likevel bevis for at eg strikkar jamnt og trutt. Her er babys uldne undertrøye, Latte baby sweater og Nine-to-five socks (Ravelry-link).

Undertrøya er av højlandsull kjøpt på Garnudsalg.dk. Det tok forskrekkelig lang tid frå eg bestilte det til det kom i posten, men vi skriv det på kontoen for nyoppstarta bedrift.

Genseren, som manglar knappar og ein runde med damp, er av Drops ett-eller-anna, og sokkane er gode gamle Sisu.

I helga er det Obligatorisk Kurs Uten Lønn (sånt finn du berre i kirka), og eg skal protestere ved å drive alle til vanvidd med strikkepinneklirring.

Rosa søndag

2011-03-14T09:24:00.009+01:00

Det er vel ingenting som er meir naturleg enn å starte søndagen med rosa muffins? Kva er forresten greia med at det plutselig heiter cup cakes? Er det for at det skal virke meir fancy? Og fins det ikkje eit norsk ord? Desse smakte like rosa som dei ser ut, særlig glasuren er nok stappfull av E-stoff. Klarte å trykke i meg to (sukker er sukker), og Lilly heiv innpå seks.

For ordens skyld, vi åt frokost først. Litt.

Eg har begynt på eit nytt broderi. Blir det ferdig? Neppe.

Endelig følte Lilly seg også klar for å prøve broderisettet ho fekk til jul.

Dersom ho blir ei berømt brodøse kan eg dokumentere dei første korsstinga.

Tolmodet varte ca ti minutt, så var det slutt.

Men vi var enige om at broderi er slikt ein må ta pause frå innimellom.

Til og med oppvasken var rosa.

Pause

2011-02-27T11:47:00.003+01:00

Når liten og stor er slitne av sjukdom og lite søvn, er det fantastisk å få besøk som leiker med den lille mens den store får slappe av på sofaen i to gode, lange timar. Besøk som har handla mat og ordner middag, og som har med en stor bukett med fine, frynsete tulipanar! Formen er stigande, og tulipanane blir finare og finare.

Sjølv om det ikkje blir blogga så mykje, ligg mange ferdige ting og ventar på å bli tatt bilde av. Blant anna to venstrevottar...

Sjelden innertier

2010-11-18T21:21:00.005+01:00

Til bursdagen min var eg så heldig å få tre knallrosa garnnøste, overrekt saman med eit lite subtilt hint om kven eg kunne bruke dei på. Nøsta blei til eit par ribbestrikka leggvarmarar (eller "varmelegger", som det har blitt heitande her) som er så uspennande at eg ikkje gadd å ta bilde, og denne hua. Eg strikkar og strikkar, men mottakaren er kresen, så det er ikkje ofte det eg lagar blir brukt. Men denne ville ho ha!

Mønsteret er vaffellua frå Pickles, og var veldig artig å strikke.

Ny teknikk for meg, og veldig lett å få til. I oppskrifta står det at ein skal bruke pinne 5, men eg bytta til 3,5 for å få barnestørrelse.

Det bildet ikkje viser, men burde vise, er at Lilly står og smører ei vaffel.

Dobbel vaffel der, altså.

Helgeformiddag

2010-10-23T11:24:00.007+02:00

Denne veka har vore stappfull av aktiviteter både på jobb og i fritida. Det oppdaga eg ikkje før det plutselig blei laurdag og eg kunne slappe av. Så det skal eg i dag, og eg skal drikke te av dei nye koppane eg fekk til bursdagen min. Syns dei er så fine med fuglen på utsida og greinene som kryp på innsida. Innimellom slurkane strikkar eg på ein genser til meg sjølv etter ei gammal Husfliden-oppskrift, og lurer på kva eg skal bruke alt kamgarnet eg kjøpte billig på Rauma ullvarefabrikk i haustferien til.

Tok litt av då det kosta 20 kr for 100 gram, så eg har ein pose full.

Våksen

2010-10-22T23:30:00.002+02:00

Til alle i motebransjen

2010-10-19T09:02:00.003+02:00

Dette er ingen kabel

Dette er ein kabel

KABELSTRIKK ER IKKJE EIT NORSK ORD, FOR SVINGANDE!

Eg frys!

2010-09-22T10:30:00.006+02:00

Stova mi er kald (mogleg samanheng med vindu som ikkje kan latast skikkelig att)

Badet er enten iskaldt eller glovarmt.

Bilen er kald. Ikkje dei første fem minutta, men ALLTID.

Gler meg til frosten kjem og eg kan skrape på innsida av ruta.

Kontoret mitt er kaldt. Omnen har ikkje virka på eit år, men no har den såkalla vaktmesteren sendt ein mail til dei som har lov til å installere ein ny, så kanskje, kanskje i juli?

Det er kaldt overalt unntatt i senga, og der kan eg jo ikkje ligge heile dagen.

Om kvelden byttar eg på å strikke i fem minutt og ha hendene under teppet i fem minutt.

Det blir ikkje mykje fart på sakene av slikt.

Og det er sjølvsagt derfor eg ikkje har blogga på så lenge. Berre derfor.

Men kulde lærer kald kvinne å strikke eller noko slikt, så no har eg i det minste ei hue å ha på meg på kontoret.

Solstråle i ny vest

2010-06-09T12:54:00.003+02:00

"Mamma, har du hørt om å være morragretten? For det er nemlig jeg!"

Femåringar har også lov til å stå opp med feil bein. Det er ikkje så ofte det skjer, men her ein dag var dette det første Lilly sa då ho våkna.

Likevel fekk eg lurt på henne den nye vesten eg har strikka til henne. Eg innsåg fort at det ikkje var vits i å prøve å få henne til å posere søtt og pent, så derfor blei det eit pottesurt bilde i staden.

Eg har sett denne vesten mange gonger før, men blei minna på den i Merete sin blogg. Ho hadde brukt tynnare tråd og pinnar, men eg gjekk etter oppskrifta og brukte Sandnes alpakka og pinne 4. Bærestykket var veldig kjekt å strikke (resten gørr), og eg er fornøgd med resultatet. Endeleg noko som faktisk blir ferdig! Kunne godt tenkt meg ein til meg sjølv også, men har ikkje greie på å rekne om oppskrifter. Vesten blei så godt mottatt at Lilly gjerne ville ha den på seg i barnehagen i 20 grader pluss, men vi får spare den litt.

Deilig søndag

2010-06-08T12:46:00.003+02:00

Våren viser seg frå si beste side om dagen, og forrige søndag oppdaga eg Vollen.

Det er ein plass eg berre har kjørt forbi, og eg ante ikkje at det var så idyllisk der.

Eg enda opp med å gå rundt og samle skjell og (døde) krabber, heilt utan å ha med barnealibi.

Håper eg blir eit like vakkert lik som desse.

Snerten stjert!

Det var mange pusete familiar ute og svømte denne dagen, og eg tok ca 50 bilder av dei søte ungane. Fikk lyst til å klappe dei, men hugsar vagt eit nestenangrep av ei mor ein gong eg kom litt for nær, og droppa det.

Må berre ha med eit bilde av laurdagen før søndagen - sjølvaste Grand Prix-dagen.

Det var folkefest i Sandvika, sidan vi var vertskommune for arrangementet.

Great Garlic Girls, her representert ved Fionnualah Sherry (eller kva søren ho heiter), var sjølvsagt der. Det var også ein skokk med stadig fullare og meir og meir usjarmerande godt voksne.

Hipp hipp!

2010-05-19T12:13:00.004+02:00

Skeivtanna femogethalvtåring i sunnmørsbunad. Mormor har sydd den, og den har blitt brukt av tre tanter og ei mor (og sikkert fleire) opp gjennom åra. I fjor snubla Lilly rundt i den, men i år satt den som eit skudd. Mora sin bunad, derimot, satt som eit kroppskondom.

Bunaden sat, om mulig, enda strammare etter at kaka var inntatt. Men god var ho, og eg er ikkje så reint lite stolt av meg sjølv.

Rimiroser

2010-04-23T12:21:00.003+02:00

Fine, ikkje sant? Det er ikkje alt som er billig som er skit, og desse har lyst opp på spisebordet i mange, mange dagar.

Eg har forresten mange ferdige prosjekt liggande, men det var det med å feste trådar, sy på knappar og finne kamerakabel...Ting tar tid.

Strikking av erme

2010-02-12T23:22:00.002+01:00

Legg opp 45 m. Etter 5 cm aukar du ein maske i kvar side. Gjer dette kvar 3. cm, til du har 61 m. Ferdig lengde skal vere 18 cm.

Ettersom eg hadde 2 i matte på vidaregåande, oppdaga eg ikkje før etter 17 cm at dette aldri kan gå opp.

Hello deer

2010-01-04T00:45:00.001+01:00

Det er vel ikkje særleg originalt no for tida, men eg syns rådyr er veldig fint! Fall pladask for dette bildet på Etsy, og bestilte det. Blir nydelig over sofaen min, eller kanskje på ein annan vegg. Viss eg har det over sofaen kan eg jo ikkje sjå på det når eg sit der.

Eg er ikkje så flink til å begrense meg, så når eg først var i gang, kjøpte eg dette smykket også. Trur rett og slett at eg skal begynne å samle på rådyr. Så har eg liksom ei unnskyldning.

Heilt til slutt bestilte eg to korsstingsmønster. Før broderte eg mykje, og her ein dag tenkte eg på at det har eg lyst til å begynne med igjen. Akkurat desse to er sikkert litt kjedelige å lage, sidan dei er så enkle, men eg trur det kan bli fint. Spørs om eg må ha ein rådyrvegg.

Skral jul

2009-12-29T12:08:00.002+01:00

Det er veldig, veldig kaldt ute, så eg ligg inne. Denne jula er stillesittande. Først vakna eg 1. juledag med ein rygg som ikkje virka verken i sittande eller liggande stilling. Tre dagar, eit legevaktbesøk og nokre smertestillande seinare, gikk det meir eller mindre over. Det var lykke i omtrent to timar, så kom forkjølelsen. Den er her enda, så her ligg eg. Det er ikkje så verst, så lenge eg har tv, kaffe, sjokolade og ein katt på besøk. Dessuten ligg eg her og strikkar/hekler, så kanskje det blir noko å vise fram etter kvart.

Alt som tåler vann, tåler Milo

2009-12-11T23:01:00.003+01:00

Vaskemiddelet Milo har hatt same slagordet så lenge eg kan hugse. Eg er ikkje så sikker på om det virkelig stemmer at alt som tåler vatn, også tåler Milo, men lar tvilen komme Lilleborg eller kven det er som produserer det til gode. Det er ikkje godt å vite kvifor, men som lita hugsar eg at eg ofte gikk rundt og gjentok dette slagordet inni meg som eit mantra. Likevel har eg alvorleg vegring for å vaske ull. Det er så utruleg tiltak at eg til eikvar tid har ståande ei stor korg med uvaska ulltrøyer, stillongsar og diverse fine gensrar eg har gløymt at eg har.

Men det er ikkje vaskemiddel det skal handle om, men babyvesten Milo. Den har det berre tatt meg nokre få dagar å strikke, og eg syns den er veldig fin og enkel. At det er null montering er eit stort pluss, og også det faktum at ein slepp å tenke. Det er berre å strikke på.

Brukte dobbel tråd med Høylandsgarn, og fann mønsteret på Ravelry. Denne utgåva er i str. 9 mnd, men ser større ut. Den er ikkje akkurat babymjuk, men i alpakka eller babyull er den sikkert fortreffelig.

Lucia

2009-12-09T12:23:00.002+01:00

Barnehagen tjuvstarta Luciafeiringa i dag. Det gjer dei alltid, sånn at det skal klaffe med eldretreffet som er i kirka på onsdagar. Sidan ho sto opp i dag har Lilly nekta å svare på anna tiltale enn Lucia. "Jeg heter ikke Lilly, jeg heter Lucia!" Ei viss tante har lært henne å posere, så det er ikkje så enkelt å fange henne på kamera med eit ekte smil.

Gikk i Etsy-fella igjen ...og ein beskjed til mor

2009-12-08T10:39:00.003+01:00

Mor: No må eg berre kaste denne puta. Den er ikkje lekker lenger. Evt. innvendingar må kome i løpet av dagen, ellers ryk den. Ho var veldig fin, da, før alle teflekkane og dei rakna saumane.

Har gått på knappesmellen igjen. Kvar einaste gong eg "berre skal titte" på Etsy, skjer det. Det er alt for mykje fint der. Veldig greitt å kjøpe litt knappar (og ikkje minst garn!) sånn i tilfelle eg skulle få bruk for det. Veldig irriterande å sitte der og mangle den perfekte knappen...

Holly Hobbie er litt mi greie, så desse to måtte eg ha. Er dei ikkje søte?

Søte er desse småjentene også. Hadde eg sett litt nærare etter før eg trykte "Buy now", hadde eg kanskje oppdaga at hola sitt i hårsløyfa. Dermed egnar dei seg ikkje som bruksknappar. Fine å sjå på, da.
Disse kjem frå Kina, og er mykje større enn eg trudde. Eg spår at dei blir liggande i knappeboksen.

Rett vest

2009-12-08T08:39:00.002+01:00

Mens vi er inne på Pickles... Vesten har vore ferdig ei stund, men eg har ikkje fått vist den fram før no. Eg strikka i garn frå Pickles, og det var skikkelig mjukt og godt. Skulle ønske at vesten var bittelitt større, men sånn går det når ein er gjerrig og bruker gratisoppskrifta i str. S.

Dessuten hugsar eg heilt tydelig at eg var XS før. Sånn for omtrent 13 år sidan...

Nestenplagiat

2009-12-06T23:48:00.003+01:00

Det blir sikkert selt julestæsj for millionar i desse dagar, men handelsstanden har visst ikkje fortstått at dei kan tene pengar på advent også. Det er i alle fall ikkje mulig å oppdrive noko stort meir avansert enn lilla lys. Etter å ha tråla heile Sandvika Storsenter etter noko som kunne minne om advent, fann eg til slutt ein ussel lilla løper på Kid. Den var ok nok til å få bli med heim. Det skal nemlig vere advent før jul, eg gidd ikkje ein heil månad med julepynt.

Etter Pickles sin idé laga eg denne kransen, som altså er lilla og ikkje så rosa som han ser ut. Det var lett som ein plett, og fort gjort. Krans av greiner + ferdige ullkuler + limpistol = Fiks ferdig krans på ca 15 min. Blir ikkje lettare enn det.

Ok, så er det snart jul.

2009-10-13T13:31:00.003+02:00

Ja til dette

Juleblada har alt kome i butikken, og det er greitt nok (sjølv om dei blir dårlegare og dårlegare for kvart år). Pepperkaker og julemarsipan, derimot, er det heilt idiotisk å legge ut for sal i oktober. Eg boikottar. Eg gler meg veldig til å få julenummeret av Interweave Knits i postkassa, syns det var ganske mykje fint der.

Nei til dette. Foreløpig.

Småstrikk

2009-10-01T11:30:00.003+02:00

Kvar sommar tenker eg at eg skal vere tidleg ute med å lage huer og vottar til hausten, og kvar einaste haust oppdager eg at eg ikkje har gjort det. Dette blir ei hue til Lilly, som akkurat har vore sjuk og treng å halde seg varm på øyrene. Regiagarnet kjøpte eg på Stranda i sommar, og eg blir like begeistra kvar gong det skifter farge.

Mariusen liknar snart på ein genser, men armane gjenstår. No spørs det om den blir passe stor, eg har absolutt ikkje peiling.

Kontoret mitt

2009-09-25T12:25:00.003+02:00

Kontoret mitt er eit rotehus av ei anna verd. No skal det ryddast ein gong for alle. (Alle som kjenner meg veit at dette mest truleg ikkje er sant. Eg kjem til å bruke minst ein dag på å berre sjå på rotet før eg får begynt, og når det først blir ryddig, tek det ei veke før det er like ille igjen. Men intensjonen er god.)

Blant alt rotet er det litt av kvart. Eg har ei oppslagstavle eg omtrent ikkje bruker, fordi den heng litt for høgt til at eg når den. Her finn du Mari med smågodttenner, Ten Sing Norway 96/97, diverse hekla blomster, samt eit knakande godt tilbod om å ta passfoto hos den lokale skobutikken (!) I sofaen sit kirkemusa Max og slappar av. Han er det einaste eg har sydd heilt av meg sjølv. Han skulle hatt nokre nye kle, trur ikkje han er heilt komfortabel med stilen eg har gitt han.

Under ein veggstake heng dette hjertet som eg har fått av ein av ungdommane. Veldig koselig!

På golvet står eit tre med bilete av alle dei nykonfirmerte. Det har stått her i heile år, og er ein fin måte å lære namn på. Men kvar skal ein gjere av den gedigne ramma?

I det inste hjørnet på pulten har eg ei halvferdig oppslagstavle. Det er eit lerret som eg har vattert og trekt med stoff og band. Syns den treng litt pynt, men foreløpig har eg ikkje kome lenger enn til den eine blomsten, som eg forresten endte opp med å feste med trykknapp. Berre fordi det var eit styr å sy den rett på. Igrunnen er det lurt også, for då kan eg skifte pynt når eg vil.

I løpet av dagen skal alle desse tinga, og alt det andre skrotet, få seg ein fast plass. Trur eg.

Kjem ikkje på tale!

2009-09-08T14:36:00.003+02:00

Dra fram symaskina på grunn av ei lita babyhue? Heilt uaktuelt! Det er sikkert meininga at ein skal lese gjennom heile mønsteret på forhånd, men det var altså no nettopp at eg oppdaga det som sto om sewing machine og sharp scissors. Det gidd eg ikkje, og det har iiiingenting å gjere med at eg ikkje veit opp og ned på maskina.

Sånn greie til å ha under koppen

2009-09-07T12:49:00.003+02:00

Kva heiter det på norsk? Har dei noko namn? Det er uansett det dette er. Farmor sitt gamle salongbord bur hos meg for tida, og det får kvite ringar når eg set varme koppar på det. Det kan vi ikkje ha noko av, så eg heklar meg ein fin stabel med slike runde greier av det uendelige Arwettalageret mitt.

Eg driv ikkje berre med småtteri, har ein Mariusgenser undervegs, og har lovt meg sjølv at den ikkje skal bli liggande halvferdig. Men det er gørrgørrgørr med ørten cm glattstrikk, så litt småheklings innimellom er lov.

Ta en titt på...

2009-08-28T14:50:00.002+02:00

...den nyaste bloggen på blogglista mi. Eg fann den via bloggen til Liselotte, og her er det mange gode idear og fine fargar.

Tusen småprosjekt

2009-08-13T11:44:00.003+02:00

Med ørten prosjekt på pinnane blir ingenting ferdig. Ganske irriterande, men eg er heilt ute av stand til å gjere ferdig noko før eg begynner på eit nytt strikketøy. Akkurat no har eg ei lita Fanakofte som berre manglar ei arm, ein halv Fiona, minst tre halve sokkepar, eit sjal eller to, skjerf, vottar osv.

I dag strikkar eg på ei babyhue (Why??? Har jo ingen baby, og kjenner ingen som skal ha heller...), og eg kan vedde på at den ikkje blir ferdig heller.

Alle skryt sånn av sokkegarnet Arwetta, så eg tenkte at eg også måtte prøve det. Klarte ikkje å bestemme meg for farge, og visste ikkje kva eg skulle bruke det til, så eg bestilte liksågodt eitt nøste av alle fargane. Så no har eg ein stor tøypose med masse fint garn som passar til alle desse småprosjekta mine.

Meir blomster

2009-05-29T15:41:00.003+02:00

Gøy å hekle småting som går fort!

Men kva skal dei egentlig brukast til?

Eg er liksom ikkje typen til å pynte opp antrekket med ein artig liten blomst i freske fargar.

Mens eg lurer, heklar eg fleire.

Ein fin liten blome

2009-05-26T14:48:00.002+02:00

Frk. Badegakk har lagt ut mønster på ei hekla blomsternål i bloggen sin, og her er mi utgåve. Eg hadde ein rest av Regia Silk etter prinseteppet eg strikka for nokre år sidan, og blei minna på for eit fantastisk garn det er. Så no har eg bestilt nokre nøste til i beige og brunt, som skal bli eit mjukt teppe.

Blomst nummer to er i farta, i babyrosa Lanett.

Kjerringa med strømmen

2009-04-13T22:57:00.001+02:00

Jepp, det er meg. Etter at Liselotte la ut oppskrift på nåleputer i verdens beste handarbeidsblogg, tok det to minutt før alle skulle lage dei. Og det skulle eg også. Det må vere den kjipaste gåva å få (muligens slått av negleklippar, som eg fekk til jul eit år), men det får vere det samme, for den er gøy å lage. Eg innrømmer no at eg handla bittelitt ekstra bomullsgarn til sekskantane i bloggposten under, og eg innrømmer like gjerne at eg angrar. Men eg måtte, for det var berre blasse fargar, og det var heilt avgjerande med litt raudt og turkis. Og blått. Og rosa. Men så slo sjølvinnsikta innover meg mykje fortare enn eg er vant til, og eg såg at det blir aldri kult med gulltråd som gjennomgangstema. Aldri. Eg blir berre aldri kvitt den gulltråden, så sånn er det.

Dermed hadde eg eit lass med Mandarin Petit til overs. Så då blei det gryteklutar også. Likte dei ganske godt sjølv om dei er i Ten Sing-fargar, og trur dei kan passe på det kvite kjøkkenet i den nye leiligheita.

Lilly ville også ha slike til dukkekomfyren sin, så då må ho vel få det, da. Det er ikkje som om eg manglar garn, akkurat.

"Resteprosjekt"

2009-03-12T11:27:00.002+01:00

Det var visst ganske gøy å lage slike... Bestemte meg fort for å ikkje lage berre lilla lappar, det blei litt for adventsløperaktig. Eg har prøvd meg på såkalla restegarnsprosjekt mange gonger, men alltid enda opp med meir garn enn eg hadde då eg begynte. Men no har eg altså ti gullnøste, og ganske mange nøste med Mandarin Petit frå eit salg. Skal eg endelig klare å kvitte meg med restane uten å kjøpe nytt? Vent og sjå. (Har gitt meg sjølv dispensasjon til å kjøpe eit raudt og eit rosa nøste. Ja, og kanskje eit mørkeblått.) Håpet er at mange grelle fargar i lag blir veldig kult.

Heksagon

2009-03-11T16:03:00.002+01:00

Eg er ei gulljente, og for nokre år sidan kjøpte eg ca 10 nøster gullfarga bomullstråd uten heilt å ha ein plan med det. Gull er fint, men kanskje ikkje på garn, så det har blitt liggande. Men no har eg funne eit lite prosjekt der det kanskje kan passe inn. Desse lappane er ein fin avveksling fra bestemorsrutene, som eg ærlig talt er litt lei av no, og med tid og stunder blir det kanskje eit teppe.

Bestillingsverk

2009-03-03T15:34:00.003+01:00

Lilly fekk eit akutt behov for mørkerosa svetteband her ein dag, så på 20 minutt eller deromkring hekla eg desse. 30 luftmaskar med PT5 på heklekrok nr. 3, fastmaskar i bakerste ledd for å få stripene - ferdig. Pynte litt med kontrastfarge - heilt ferdig.

Denne, derimot!

2009-03-03T15:24:00.003+01:00

Sjølv om Thermis var ein flopp, liker eg konseptet med hals. Ein hals er mykje meir lettvint enn eit skjerf, spør du meg, og går fortare å lage. Alle mulige mønster kan bli til ein hals, det er berre å strikke rundt og rundt i eit par episodar av ein eller annan TV3-serie, og voilà! Ferdig.

Denne halsen fann eg oppskrift på på Ravelry, sånn omtrent her. Den gikk kjempefort å strikke, og mønsteret er lett å komme inn i. I alle fall for meg som har eit halvt sjal i samme mønster liggande. Det må eg forresten gjere ferdig. Snart.

Eg hadde eit nøste Kid Classic liggande, så det brukte eg. Det klør litt, men det gir berre koselige flashback til då ein var lita og all ull klødde.

Verdens mest oppskrytte hals

2009-03-03T15:20:00.002+01:00

Thermis ser veldig fin ut for seg sjølv, men som hals er den ubrukelig. Slapp, krøllete og fæl. Forstår ikkje kvifor alle strikkar den. Eg kjem nok ikkje til å bruke den, og heller ikkje til å lage fleire. I alle fall ikkje i Lerke. Men Tildaknappane liker eg godt.

Det er min blogg, eg har rett til å bruke så dårlege bilete eg vil!

Mens vi venter på inspirasjon

2009-02-19T10:30:00.003+01:00

Eg strikker på ti tusen forskjellige ting, men ingenting blir ferdig. Den før omtalte fanakofta er faktisk snart ferdig, etter å ha blitt sendt til Stranda og tilbake for klipping og sying. Eg skal aldri i mitt liv strikke noko meir som må klippast i. Etter tre forsøk med symaskina, som resulterte i at heile dritten hang fast, ga eg altså opp og sendte jakka til mor. Så snart blir den ferdig, men sidan eg er lat og aldri strikker prøvelapp, passar den nok best til ein kropp som er kort og brei og har korte armar...

Bildet over er av eit venteskjerf i Angora-Tweed. Ganske enkelt og ganske kjedelig, men greit å strikke på på stabsmøte og slikt.

Vil lage!

2008-12-10T15:59:00.005+01:00

I går dumpa vinternummeret av Interweave Knits ned i postkassa (hadde gløymt at eg abonnerte...), og eg fall umiddelbart for dette skjerfet. Hue og skjerf i eitt, og så lommer og greier! Himla praktisk... Må lage det fort. Men først skal eg vere streng med meg sjølv og lage ferdig Fanakofta eg held på med. Noko som minner meg på at eg treng eit kurs i å montere denslags. Tør ikkje å klippe i den sjølv.

Sneglefart

2008-09-11T10:13:00.004+02:00

Ok, her skjer det ingenting. Ingenting er meir kjedelig enn ein blogg som aldri blir oppdatert. Men det er så mange andre ting å finne på, så det blir litt lite tid akkurat no. Eg har aldri strikka så lite som eg gjer no på mange år. Har kanskje berre ein fire-fem prosjekt på gang...

Eitt av dei er eit langtidsprosjekt, nemlig dette teppet som alle har laga. Eg er på første stripe enda, så dette kan ta tid.

Kjøpte masse Tvinni Tussah i Danmark i sommar, så dette skal bli eit teppe i forskjellige grå og blå fargar. Det skal bli fint i den nye sofaen på kontoret mitt.

Jakke til ein liten bamse

2008-06-24T11:19:00.002+02:00

Lille Kristian fekk også ei jakke han kan spare til hausten. Mønsteret er frå det første Lerkeheftet, og då seier det seg sjølv kva garn den er laga av.

Snart må eg forresten lære meg å montere fint...

Uskarpe, nye ting

2008-06-24T11:09:00.003+02:00

Som sagt, er kameraet mitt knust (og det ser ikkje ut som om det vil løne seg å reparere det heller, grrr...), så eg får klare meg med mobilkameraet ei stund. Kvaliteten blir deretter.

For nokre dagar sidan blei det fødd ein liten Kristian, og han måtte jo få gåver. Lilly har teikna dama på nettet, og eg broderte oppå strekane etterpå. Så langt var det lett. Men sidan saumkunnskapane mine er lik null, måtte eg vente med å lage resten til mor kom på besøk. I helga var ho her, og sydde nettet til meg.
Oppi låg det ein liten baby i rib, som eg har vist før. Den er strikka av Duo med silke, og er passe mjuk til ein liten baby.
Eit teppe må han også ha. Dette er mitt første ferdige fisketeppe, og muligens siste. Det er begrensa kor lenge det er kjekt å strikke fiskar. Desse er mjuke og gode, men litt for hårete for ein liten tass, så det er nok best å bruke det som vognteppe. Garnet er Drops Silkealpakka.
Eg har etter kvart ei betydeleg samling med strykemerke, og dette er det siste eg har kjøpt. På minanamnband.se kan ein lage sine eigne merke.

Buhu!

2008-06-16T20:32:00.002+02:00

Kameraet mitt er kaputt! Eg skulle ta det fram for å ta eit bilde under sommerfesten til barnehagen, men det går jo dårleg med knust skjerm. Dermed blir det ikkje sånn veldig fres over bloggen min i næraste framtid, når eg ikkje kan vise det eg lagar.

Vente, vente...

2008-06-04T19:12:00.002+02:00

Eg har omtrent 30 strikkebøker, men det er alltids plass til fleire. Ein av favorittane er "Mason-Dixon Knitting", og no kjem oppfølgjaren. Eg har ikkje peiling på kva den inneheld, men har førehandsbestilt den likevel, sidan den forrige hadde så mykje bra. Boka kjem ut 16. september, og det er akkurat så lenge til at eg vil ha gløymt at eg bestilte den, og dermed få meg ei fin overrasking.

Victorian baby bonnet

2008-05-22T10:42:00.005+02:00

På Norli i Universitetsgata har dei godt utval i strikkebøker (og alt anna av bøker, egentlig). Eg kjøpte "Knitalong" av Larissa Brown ein dag eg hadde litt tid før eit møte. For så vidt ei fin bok, men ikkje så mange oppskrifter eg berre MÅ prøve. Det var eit veldig fint lappeteppe der, og eg har tenkt lenge at eg skulle finne ei fin oppskrift på eit teppe, sånn at eg kan lage nokre lappar kvar gong eg får restegarn.

Denne hua var også i boka, og den er ganske søt. Passformen ser unekteleg merkeleg ut, så eg lurer på korleis den er på. (Kan nokon låne meg ein baby?)

Oppskrifta er beregna på litt tjukkare garn enn ein vanlegvis brukar til babystrikking, så eg brukte Lerke. Mjukt og deilig, 52% ull og 48% bomull. Eller var det omvendt?

Eg kjenner ingen nyfødde jenter, så denne går rett i gavekorga.

Mjuke saker!

2008-05-22T10:37:00.003+02:00

Det første forsøket mitt på å lage fisketeppe gikk heller dårleg. No prøver eg igjen, denne gongen med tjukkare garn og pinnar. Dette er Drops Babyalpakka, og eg hadde nesten laga eit heilt sjal av det då eg oppdaga at det blei litt vel mykje Ten Sing-fargar (jfr. post lenger ned). Så eg rekte det opp, og no er det godt på veg til å bli teppe til ein liten tass.
Det er litt søtt at garnet er laga av ulla til eit babydyr, når det skal bli teppe til ein menneskebaby, synes eg.

Liten bolero

2008-05-22T10:29:00.003+02:00

Har laga ein liten bolero som eg tenkte at Lilly skulle ha viss det blei kjølig 17. mai. For det første blei det meir enn kjølig, og for det andre blei boleroen ferdig 18. mai, så noko vellykka prosjekt var det vel ikkje. Sant å seie syns eg ikkje den blei særlig fin heller, men det syns mottakaren, så då er det vel greitt.
Eg brukte Dale babyull og pinne 3,5 (trur eg), og oppskrifta fann eg her.

Knappen viser katastrofalt dårlig, men er ein ganske fin blomsterknapp eg har kjøpt på Etsy.

Jobbstrikk

2008-05-13T18:16:00.003+02:00

Vi bruker eit dataprogram på jobb som er usedvanlig tregt. Det kan ta nokså lang tid å åpne ei ny side, så no har eg anskaffa meg eit ventestrikketøy. Kvar gong eg skal åpne programmet får eg tid til å strikke eit par omgangar, og om ei stund blir det nok til ei jakke.

Eg har ein del Lerke-garn frå Dale liggande - det nye mjuke du veit - og mønsteret er February jacket av Elizabeth Zimmermann. Jakka er for feminin til ein gut, men fargane er ikkje akkurat jentete. Som vanleg veit eg ikkje kven mottakaren er enda, men dersom det skulle kome ein feminin gut eller ei maskulin jente til verda, har eg akkurat den rette gåva.

Å telle på knappane

2008-05-09T15:21:00.002+02:00

Har bestemt meg for å avgjere alle framtidige valsituasjonar med å telle på knappane. Dette er ein undervurdert metode, spør du meg. "Blir du med på kino?" "Vent litt, skal berre telle på knappane."
Obama eller Hilary? ...Elle melle...
Problemet med knappetelling (skreiv nesten teppeknalling, der...) er jo som med elling. Viss du alltid begynner å elle på same person, vil resultatet alltid bli det same. Sånn er det når ein skal telle på knappane også. Går du alltid med same jakka, vil resultatet bli likt kvar gong. (Viss ikkje du plutselig skulle miste ein knapp, da.)
Derfor måtte eg kjøpe litt fleire knappar, sånn at eg alltid har nokre nye å telle på.
No er eg klar for å løyse kva som helst som måtte dukke opp av problem.

Det var jaggu på tide

2008-04-30T23:45:00.004+02:00

Så var dei endelig ferdige. Desse sokkane sat det virkelig langt inne å gjere ferdig. Eg har aldri opplevd makan til kjedeleg strikketøy. Dei var påbegynt i juli i fjor, og eg trudde ærleg talt ikkje at dei kom til å bli ferdige. Eg var til og med innom Husfliden og spurte kva det kosta for ferdigstrikka strømper (1000,-), men kom fram til at det er for gale viss eg ikkje klarer å strikke dei sjølv, eg som stort sett brukar kvart einaste ledige minutt til å strikke. Aprilutfordringa i Sokker 2008 var å strikke sokkar med fletter, og er ikkje dette sokkar med fletter, så veit ikkje eg. 30 fletter på kvar strømpe, for å vere nøyaktig.
Eg har "juksa litt", som det heiter, i forhold til oppskrifta. Eigentleg skal hælen strikkast på ein sånn måte at det er lett å lage ein ny viss han blir utsliten. Det er sikkert genialt, men sånt har ikkje eg tid til, så eg gjorde som eg brukar når eg lagar hæl. Det er vel ikkje overhengande fare for at strømpene blir utslitne med det første. Og når den tida kjem at det trengs nye strømper, satsar eg på at eg har gløymt kor forferdelig pyton eg syntest det var å lage dei. Litt som med ein fødsel, altså. Skal legge inn bilde av strømpene med leggar inni seinare, men akkurat no ligg modellen og søv.

Little sister's dress ++

2008-04-30T23:39:00.003+02:00

Tora Frøseth lagar fine ting, blant anna har ho klekt ut Little sister's dress. Dette er vel meir Little sister's top, for eg veit av erfaring at det ikkje er vits i å lage kjolar til spedbarn. Den endar berre opp som ein krøll under armane likevel. Dessuten gadd eg ikkje å strikke den lenger.
Det var ikkje så lett å ta gode bilde av kjolen, men dette viser fargen slik han er litt bedre. Her kan ein også skimte knappane, som forestiller små sitronskiver, eller noko slikt.

Etter å ha sett så mange nusselige knappar på Etsy, ville eg prøve å lage sjølv også. Ein får kjøpt plastknappar på f.eks. Panduro, som ein kan trekke med stoff. Prinsippet er enkelt, og ein treng ikkje verktøy, men det var ikkje så greit å få vekk alle rynkene. Her må det meir øving til, og så må eg kjøpe litt finare stoff. Eg ser allereie no at dei største knappane aldri kjem til å bli brukt.

Ugler til ei lita frøken

2008-04-24T10:31:00.002+02:00

Uglemønsteret er ein slager, og sidan eg har hatt stort hell med jakka før, måtte eg teste ut kjolen. Ho som skal få den er ikkje fødd enda, men eg gler meg sånn til å gi den vekk at eg trur ikkje eg klarer å vente...
Eg har valt å ikkje lage perleauge (giddalaus?), men eg syns det viser ganske godt at det er ugler uten også.
Kjolen ser ganske liten ut utan baby inni, men den er så elastisk og god at eg er sikker på at den blir passelig. I motsetning til jakka, har kjolen ei holrad med plass til sløyfe. Eg har brukt organzaband, for det var det eg hadde for handa. Det kunne sikkert vore litt smalare, men pytt sann.

Mønster: Uglekjole av Else Schjellerup (gidd ikkje å finne link, men du får kjøpt det på Pinnsvin Design)
Garn: DUO silke
Pinne: 3

Vårhue

2008-04-24T10:24:00.004+02:00

Det er vår og sol, men vinden er kald likevel. Lilly har akkurat blitt frisk frå ein lungebetennelse, så då trengte ho ei lett vårhue. Valget fall på denne melonhua. Egentlig skulle det vere perlefrø over heile greia, men det fins grenser for kva eg gidd å plundre med.
Eg er veldig fornøgd med at alle fargane var å finne blant restegarnet mitt, men må vel konstatere at Mandarin Petit er vel slafsete til huebruk.

Oppskrift: Melonhead av Sara Galley
Garn: To trådar Mandarin Petit
Pinne: 3,5

Etsy-shopping

2008-04-24T08:14:00.005+02:00

Etsy.com er ei finfin nettside for alle oss som allerede er hekta på Ebay og slikt. På Etsy kan ein kjøpe og selje ting som har med hobby og handarbeid å gjere, og det er flust av både mønster, garn, nusselige knappar og også ferdiglaga ting. Eg har nettopp kjøpt nokre oppskrifter som eg gler meg til å ta fatt på, må berre bli ferdig med dei hersens bunadstrømpene først (berre ei halv igjen!)

Dette er ei bittelita veske, faktisk så lita at den berre skal henge fast på handleddet som eit lite vedheng, og det forstår eg ikkje poenget med. Men kanskje kan det bli ei veske til Lilly, og viss eg er heldig (og litt flink) klarer eg å rekne ut korleis eg lagar ein stor variant.Denne jakka fall eg pladask for, så den måtte eg berre ha. Den går ikkje lenger opp i størrelse enn to år, så det blir ein eller annan heldig småttis som får den.

Det er samme designer som har laga både denne genseren og jakka over. Syntest den var så fin med den svarte sauen!

Multi

2008-04-17T15:24:00.003+02:00

Restane etter circle socks blir til dåpsbarnsokkar. Enkelte eg er i slekt med vil kanskje seie at dette er veldig Ten Sing-fargar, og det er vel det. Men no har eg innsett at det er like godt å berre innrømme for meg sjølv at eg syns det er litt fint. I alle fall i små mengder. Forresten ser eg no at eg kjem til å ha akkurat for lite garn til å gjere ferdig desse sokkane. Dritirriterande.

Greit nok at Ten Sing-fargar er fint i liten skala, men det får vere måte på. Denne hua kjem eg nok ikkje til å bruke sjølv. Den er laga av eitt nøste Noro Kureyon, og er bittelitt kort til meg. Dessutan er den litt for festlig i fargane for min smak. Den hadde passa perfekt for ti år sidan, då eg oppdaga Uno, og trudde at eg aldri kom til å gå med andre klede. Unokolleksjonen min har heldigvis havna hos Fretex for lengst.
Sjølve huemønsteret er forresten ganske genialt, og gøy å strikke. Eg. får prøve med ein einsfarga variant seinare.

Oppskrift: Aprillua i Hobbybodens KAL: Short-rows wavy hat

Garn: Noro Kureyon

Pinne: 5

Fæææærdi!

2008-04-03T12:50:00.005+02:00

Der var Circle socks endelig ferdige! Dei sit som eit skudd på føtene mine, men litt av grunnen til at eg meldte meg på sokker 2008, var å lage julegåver, så eg har vore streng med meg sjølv og lagt dei i gaveeska mi. Og så ei lita hjertehue frå Elizabeth Zimmermann, som eg synes er nokså søt. Den kledde ballongbabyen min nokså godt, men eg har ikkje prøvd den på ein levande enda, så eg veit ikkje heilt om passformen er god.

Og forresten...(dette tør eg nesten ikkje å seie høgt i tilfelle eg ikkje innfrir): Apriloppgåva i sokker 2008 er ei fri oppgåve, men det må vere fletter i sokkane. Eg har jo liggande nokre uferdige flettesokkar, jfr. eit innlegg lenger ned. Målet mitt for april er å lage ferdig bunadstrømpene til Fredrik. Dei skal jo brukast i mai, så no må eg til pers.

Russesokkar

2008-03-16T20:24:00.002+01:00

Eg strikkar stadig babysokkar til desse nusselige små dåpsborna, men ein kan bli litt lei av dei vanlege enkle i lengda. No har eg også prøvd meg på russesokkar, og syns det gikk ganske bra. Det er ein del meir jobb enn å lage rillestrikka baby booties, så dei som skal få desse må vere skikkelig søte...

Morsom overskrift

2008-03-16T20:02:00.005+01:00

Multifarga garn kan vere skikkelig stygt, men også veldig fint! Regia-garnet i Kaffe Fassett sitt design er ein fest å strikke med, eg gler meg til kvar gong garnet skal skifte farge. Undervegs i den første mars-sokken kom det stadig begeistra utrop frå sofakroken, og Fredrik prøvde (uten hell) å virke like engasjert når eg viste ein ny farge.

Men det var ikkje gøy så lenge heller... Kvartveis i den andre sokken er eg dritlei, og har mest lyst å finne på noko anna å lage. Vel. Det er nok å ta av. For eksempel er det på tide å ta dette fram frå avdelinga for fortrengte strikkeprosjekt:

I håp om å motta diamantar i gjengjeld i all framtid, gav eg Fredrik bunad til 30-årsdagen i fjor.
Bunaden er komplett med skjorte, sko, hoseband og kniv...men ikkje strømper. For den som måtte tru det, så er altså ikkje bunadstrømper ein leik å strikke. Her må ein følge med absolutt heile tida. Havskum og fletter dukkar opp i ujamne intervall, så dette er eit strikketøy for dei som likar seg i einerom med tv-en av. Skal få gjort dei ferdige no. Snart.

Marshue og maskemarkørar

2008-03-13T15:12:00.003+01:00

Dette er marsmønsteret i lue-alongen på Hobbyboden. Det gjekk utruleg fort å strikke den, hua var ferdig på under to timar. *noterer bak øyret til ein gong eg treng ei gåve i ein fei*
Eg brukte Lerke-garn frå Dale, som er veldig mjukt og godt. Garnet skulle eigentleg bli kjole til Lilly, men det var FEIL FARGE! "Lilla er ikke min favoritt, mamma! Det er rosa som er fargen min!"
Dette skulle bli ei hue til meg, men sidan eg ikkje er så glad i å sjå ut som eit egg, blir det ei barnehue.

Så har eg også prøvd å lage maskemarkørar. Syntes liksom eg måtte lage noko av alle perlene mine. Randi og eg hadde eit perleraid for nokre år sidan, og kjøpte perler for tusenvis. Men då vi hadde sortert dei, var vi liksom lei, så dei har ligge fint sortert i ei skuffe sidan det.

Småsokkar II

2008-02-29T13:12:00.001+01:00

Har laga nokre enkle sokkar til ei lita dåpsjente. Fann oppskrifta på nettet, og det gikk så fort å strikke dei at det sikkert blir fleire slike. Har ein tatt på seg å lage 100 små sokkepar, må det gå fort. Bildet er uklart, men drit i det.

Mjukt sjal

2008-02-27T11:27:00.003+01:00

Eg kjøpte som sagt haugar og lass med garn i Tallinn i haust, blant anna Evilla plategarn. Det blei til eit mjuuuukt sjal. Eg har strikka det saman med ein tråd Sandnes alpakka for at det skulle bli sterkare. Det blei ikkje så fint å sjå på, for det blei litt mykje kvitt i forhold til dei andre fargane, men deter veldig godt og varmt.

Babyjakke

2008-02-27T11:24:00.002+01:00

Med eit par rosa knappar blir dette ei passande jakke til lille nyfødde Lisa :)
Mønsteret er frå Rauma.

Heia Mammutsalg!

2008-02-26T13:32:00.002+01:00

Eg har veldig sansen for Mammutsalget, og i går fann eg denne boka som eg har ønska meg til litt over 200 kroner. Den inneheld mange oppskrifter og bilete av tradisjonelle handplagg som har vore brukt til bunadar i Norge. Mykje fint, og ein del stygt også.

Eg noterer meg også at mine og mor sine interesser begynner å bli påfallande like...

Kva tenkte eg på?

2008-02-24T08:44:00.000+01:00

Vi har vore på ferie på Vestlandet, og på veg heim stakk vi innom Rauma Ullvarefabrikk på Veblungsnes. Eg tenkte eg skulle hamstre skikkelig (som om eg ikkje har nok garn frå før), men då eg kom inn blei eg heilt handlingslamma. Det var så mykje garn at eg ikkje fikk til å handle, og då eg gikk derifrå, var det einaste eg hadde klart å raske med meg tre nøste kvit finull og noko rosa kjolegarn til Lilly. EG ANGRAR!

Februarsokkar

2008-02-12T11:24:00.000+01:00

Februarsokken er Thuja, og den var mykje lettare å strikke enn Anastasia frå januar.

Garnet er Smart, pinne nr. 3,5.

Lilleprinsens dåpssvøb

2008-02-12T11:15:00.000+01:00

Dette teppet hadde eg aldri trudd eg skulle bli ferdig med, så no er eg ganske kry! Begynte på det i vår ein gong, og blei fort ferdig med midten og det mellomste partiet. Då eg kom til ytterkanten, gikk det saktare og saktare. Eg lovte meg sjølv at eg aldri skulle lage fleire av dette teppet, men no når det er ferdig, kunne eg egentlig tenke meg å lage eit i ein annan farge. Det danske kronprinsparet bruker dette teppet når dei døyper borna sine, derav namnet. Dessverre, til alle blivande mødre eg kjenner, kjem ingen av dokke til å få teppet... Eg klarer nok ikkje å gi det frå meg.

Eg har brukt Regia Silk, eit mjukt og deilig garn (som lukter litt promp) og pinne 4,5.

Oppskrifta kjøpte eg hos Markno.

Småsokkar

2008-02-12T11:12:00.000+01:00

Det er 100 dåpsbarn som skal få sokkar i år, og sjølv om vi har fått inn ein del, må eg bidra litt sjølv også. Disse sokkane blir nok til ei bittelita frøken. Har brukt 6-tråds OnLine og ei gratisoppskrift eg fann på nettet.

Fleirbruksstrikk

2008-01-25T14:36:00.001+01:00

Eg starta så friskt på Gemma beret, som er januarlua i lue-alongen på Hobbyboden. Kid Classic er deilig garn som eg har strikka med før, så eg visste det kom til å bli ei deilig hue. I går kveld nistrikka eg for å bli ferdig, så eg kunne bruke den i dag. Men det blei visst ikkje hue likevel! Det blei noko lyseblått og mjukt som kan brukast til nesten kva som helst. Eg nemner i fleng: Fotballfutteral, handlenett, vannmelonvarmer...

Perfekt for sjenerte!

Eg gir vekk denne giganthua til første frivillige kjempeskalle som melder seg!

Prinsesser er også sure av og til

2008-01-25T14:30:00.001+01:00

Det er ikkje alltid ein føler seg like fotogen, det veit eg alt om. Lilly syns nok det var litt i overkant morgonfriskt av meg å skulle arrangere fotoseanse før barnehagetid, derfor uttrykket. Likevel må eg vise fram det spesialbestilte sjalet. Lilly kjøpte garnet sjølv (for eit sjokkerande fargevalg!), og beordra meg til å strikke prinsesseskjerf. Aller helst skulle eg strikke inn eit bilde av Askepott, men eg fekk forhandla meg vekk frå det ved å legge til ei blonde med gulltråd i.

Sjalet er strikka i tynn alpakka, og etter ei oppskrift frå Nøstebarn-boka. Blondekanten er å finne i "Sødt & Blødt" av Lene Holme Samsøe (som eg forresten kan anbefale på det varmaste).

Tjanastasia

2008-01-22T14:05:00.000+01:00

Dette er eit sokkepar fullt av juks og fanteri. Det er det første av 12 sokkepar i år, og dersom alle skal gi meg like mykje hovudbry, skal det bli interessant. Etter ti forsøk på å strikke frå tåa og opp, ga eg opp og strikka slik eg er vant til. Så måtte eg rekke opp nokre gonger før eg fann rett masketal (48) for mine anklar. Då sokkane endeleg var ferdige (etter ein del ufine gloser), oppdaga eg at spiralane går samme veg på begge sokkane. Det var vel ikkje meininga.
Så no spørs det om dei blir godkjent av sokkesjefen. Eg skal i alle fall ha M+ for innsats.

Garnet er OnLine, og mønsteret er her: http://www.pepperknit.com/patterns/AnastasiaSocksPatternRevised.pdf

Snill dame

2008-01-09T15:15:00.000+01:00

Før jul skraut eg så kjekt av at eg hadde funne ein måte eg kan strikke på jobb. Eg prøvde å få i gang eit prosjekt der vi skulle strikke sokkar og gi til alle borna som blir døypt i kirka i 2008. Eg besøkte eldretreffet som er her på onsdagar, og la ut om denne ideen. Tenk så flott å gi ei praktisk og symbolsk gåve frå dei eldste til dei yngste osv. Dessverre var dei fleste damene nokså ubegeistra over forslaget. I går sat eg akkurat og tenkte på å droppe heile prosjektet, då det kom ei eldre dame inn med ti slike sokkepar! *smelt*

Så no skal eg tenke ut korleis eg skal rekruttere fleire strikkeliser. Vi treng ca. 100 sokkepar i løpet av året, og det klarer eg ikkje aleine, men eg synes framleis at ideen er god. Det er ein god velkomst for ein ny verdsborgar, og ei heimestrikka gåve er det omtanke i.

190 g Evilla

2008-01-09T14:53:00.000+01:00

Fredrik stussa nok litt over at eg kunne trenge så mykje garn då eg handla tre fulle posar i Tallinn. Derfor kan det vere greit å faktisk strikke noko av det no og då. Det er vel litt råflott å kjøpe alt dette garnet berre for å sjå på det. 190 gram blå Evilla kan for eksempel bli noko slikt:

Dette er Unshaped Shrug, som eg har tenkt på å lage lenge. Baksida er slik:

Litt slapp i fisken, men ikkje så mykje at eg gidd å gjere det om igjen med mindre pinnar.

Garnet er som sagt Evilla, og eg brukte pinne 6 og 7 og dobbel tråd.

Mønsteret finn du her.

For å sitere Europris-reklamene: Fikk mer til overs! Restane blei ei prinsessekrone.

Den reklama er forresten forferdelig irriterande.

Oppskrifta er frå Familien 1/2008 (jada, eg abonnerer. Kall meg kjerring.), og sidan eg har fått overdose av rosa prinsesser, må Lilly finne seg i å vere blå prinsesse. Skal fore den med litt fleece så den ikkje klør, og pynte med nokre perler. Det får vere bra nok prinsesse.

Knit-alongs 2008

2007-12-27T18:28:00.000+01:00

2008 skal eg strikke huer og sokkar! Begge deler er utmerka gåver, derfor har eg meldt meg på ein sokke-along og ein hue-along. Det vil seie at eg skal strikke eit sokkepar og ei hue kvar månad. Sidan eg er ein skippertaksperson, er eg spent på korleis det skal gå, og om eg kjem til å dabbe av allereie i februar, eller holde koken.

Jul i stuggu

2007-12-24T09:57:00.000+01:00

Utruleg nok blei det jul i år også, sjølv om huset kanskje ikkje er gullande reint. Men det er det jo aldri. Lilly og eg pynta eit vindskeivt og glissent tre i går, og kom fram til at maksimalisme var vegen å gå for å skjule kor stygt treet eigentleg er.Lilly blei veldig fornøgd, og syntes treet var "utrolig vakkert" (veldig vittig når ein treåring bruker sånne uttrykk). Det var bra at treet kosta berre 100 kroner, for tilbehøret blei sant å seie i overkant dyrt i år. Eg har leita og leita etter ein fin fot, og det fins kun ein. Den kostar 1000 kroner...Når ein tenker på kor mange år vi kan bruke denne, er den nesten billig. Teppe til å ha under treet måtte vi også ha. Eg er ikkje nisse-typen, så eg fall for dette, som eg fann på Verket Interiør:Til Lilly si første jul kjøpte eg denne fine snøkula med speledåse i. Ho elsker å sjå på den og trekke den opp, så det spørs om den varer så lenge at ho kan ha den heime når ho blir voksen.
Heilt til slutt må eg vise den fine julestrømpa Lilly har fått av mormor. Den fortener nesten ein eigen post. Mormor har brodert slike strømper til alle borneborna. Flaks for henne at det er berre tre, for det er veldig mykje detaljar i den. Kun detaljar, eigentleg. Julenissen var på besøk og fylte opp strømpa i natt, så i skrivande stund sit Lilly og proppar i seg godteri som om det var den siste dagen hennar på jorda. Lik mora, altså.

Malin-genser

2007-12-24T09:53:00.001+01:00

Har lenge tenkt å strikke denne genseren, som eg såg først hos Malin. Sidan dette er eit restegarnprosjekt, blei det korte ermer. Er veldig fornøgd med å for ein gongs skuld ha endt opp med mindre garn enn eg hadde då eg starta. Så kan ein diskutere kor praktisk det er med ein korterma alpakkagenser. Eit par fine knappar no, så er den klar.

Forresten...

2007-12-11T11:36:00.001+01:00

Eg viste visst aldri resultatet av all broderinga for ei tid tilbake.

I sommar pryda handarbeidet mitt Oslos gater, IKEA-bussane og diverse andre strategiske plassar.

Hemmelig

2007-11-22T09:34:00.000+01:00

Om nokon skulle tru at eg ligg på latsida, så gjer eg altså ikkje det. (Kva side er forresten latsida?)
Sanninga er at eg strikker så mykje at eg ikkje har tid til å blogge. Uansett kan eg ikkje legge ut bilete, for det er julegåver, alt saman. Eg seier ikkje meir, men det er noko mjukt, litt pusete, varmt og fint.

Litt Linus

2007-11-05T11:29:00.001+01:00

Orka ikkje heilt å begynne på jakka enda, så Lilly får nøye seg med Linus-hua denne vinteren. Har nok garn til å lage jakke i str. 4 år, så den får vente til neste år. Likte fargane kjempegodt, og det gjorde mottakaren også. Einaste minuset er at garnet som høyrde med i pakken klør litt for ei fisefin prinsesse som er vant til babyull.

Tvillingugler

2007-11-05T11:21:00.000+01:00

To nyfødde tvillingar i Ålesund får snart kvar si uglejakke. Har strikka dei på bestilling frå Silje, som har fødande venninner på alle kantar. Fargane er ikkje så godt gjengitt på bildet, men garnet er Sisu, i lys og mørk aqua. Brukte store glasperler til auge, og perlemorsknappar. Det hadde nok vore finare med paljettauge, slik som Merete har gjort, men eg er litt usikker på kor godt dei held på fargen i vask, så då blei det perler.

Jakkene er designa av Else Schjellerup, og mønsteret er å få kjøpt på Pinnsvin design.

Tja...

2007-11-05T11:10:00.000+01:00

Klarer ikkje heilt å bestemme meg for om det er krampaktig for ein 30-åring (strengt tatt 31...) å gå rundt med dødningeskallar på hua eller ikkje. Trur nok dessverre at det er det, men det må eg berre drite i, for den er veldig god og varm. Dessuten syns eg at fargevalget gjer den bittelitt mindre fjortis. Kanskje.

Mønster: http://www.helloyarn.com/wecallthempirates.htm

Garn: Pt5

Pinne: 3,5

Møt Max!

2007-10-15T15:43:00.000+02:00

Eg er kateket i ei kirke, og søndag skulle vi ha familiegudstjeneste og utdeling av fireårsbok. Onsdag kom eg på (i siste liten, som vanlig) at eg ville sy ei mus som skal bo i kirka. Eg har aldri sydd noko særleg før, så eg er egentlig ganske kry over denne fyren! Han heiter Maximilian Musculus, som fritt oversatt betyr "den største musa", men blir kalt Max til daglig. Max hadde preike på søndag, der han las fra dagboka si (som han sjølvsagt har i veska), og det var stor stas.

Mønsteret er eit Tilda-mønster, men eg syntes det var vanskelig å sy kle, så eg strikka ein vest etter eigen fantasi og hekla eit lite skjerf. Buksa viser ikkje på bildet, men det er i grunnen greit... Veska er ei ferdigveske frå Panduro som eg har sydd eit passande motto på.

Venter og venter

2007-10-02T13:43:00.000+02:00

Baby booties-boka mi har ikkje landa i postkassa enda, og eg er så utålmodig...
Den var sendt fra Amazon for fleire dagar sidan, så snart må den vel komme.
Skal bruke boka til eit spennande og koselig prosjekt på jobb, skal fortelle meir seinare. Er veldig fornøgd med å ha klart å finne ein måte eg kan strikke på jobb :)

Soul

2007-09-27T10:44:00.000+02:00

Her er mi utgåve av Soul. Dette er noko av det mest vellykka eg har strikka til meg sjølv på hue-fronten, så det blir sikkert fleire. Gullfin julegaveide er det også.

Den observante vil legge merke til billetten øvst i hjørnet på bildet. I kveld skal Mari og eg på show med Hildegunn & Leif-Per (dei med steikje fine gardiner i Kid-reklamen). Det blir garantert ein suksess. Forrige gong eg såg dei, måtte eg gå to gonger for å få med meg alt, for første gongen lo eg sånn at eg gikk glipp av halvparten.

Og så eit bilde med meg inni hua...

Oppskrift: Soul av Kim Hargreaves

Garn: Rowan Kid classic

Pinne: 4,5

Shop till you drop

2007-09-07T10:41:00.000+02:00

Får visst aldri nok strikkebøker og garn... Hadde lova meg sjølv å ikkje kjøpe fleire garnpakkar før dei eg har er strikka, men har sikla så lenge etter Linus fra Hanne Falkenberg, så no bestilte eg den.

Slik ser Linus ut: Ja, og så måtte eg ha denne boka:

&%#!"?!!

2007-08-06T14:04:00.000+02:00

PC-en vår har knelt fullstendig, med alle oppskriftene eg har samla over fleire år. Er så sur at det ikkje kan uttrykkast med ord (eller, det kan det vel, men snille jenter bruker ikkje sånne ord).

Det blir altså ikkje så mange nye postar fra denne kanten før maskina er oppe og går igjen. Eg får bruke tida på å innrede det nye huset vårt :)

Gamle og nye skattar

2007-07-22T18:01:00.000+02:00

Har vore på ei vekes ferie rundt omkring i Møre og Romsdal i lag med Lilly, blant anna ein snartur innom hytta til foreldra mine. Det er eigentleg ikkje ei hytte, men eit lite hus som oldemor og morfar budde i. Huset er rensa for det meste av spennande arvegods, men Lilly snubla over noko gammalt fargepulver då ho leika inne i eit skap. Det var enorme mengder av ullfarge i alle fargar, og eg skulle likt å prøve å farge garn med det no, men det er samtidig kjekt å spare på.

Denne nyansen får du ikkje kjøpt lenger:

Hytta ligg ein liten time unna Rauma Ullvarefabrikk på Veblungsnes, og eg vurderte sterkt å stikke innom butikken deira. Så tok eg eit øyeblikk og tenkte over det enorme garnlageret mitt og det faktum at vi skal flytte om ei veke - og droppa det. Sukk.

Ein lang kjøretur seinare ramla mor og datter inn døra heime, og på benken låg det to pakkar til meg: Bøkene Favourite socks og Mason-Dixon Knitting. Sistnevnte er fantastisk, den har både fine oppskrifter, og den er underhaldande å lese. Har opparbeidd meg litt av eit lager med handarbeidsbøker, og for å gjere det komplett bestilte eg alt av Elizabeth Zimmermann tidlegare i dag.